Husn-e-Jana Ki Tareef Mumkin Nahin
Aafreen Aafreen, Aafreen Aafreen
Tu Bhi Dekhe Agar To Kahe Hum-nashin
Aafreen Aafreen, Aafreen Aafreen
Aafreen Aafreen, Aafreen Aafreen
Aisa Dekha Nahin Khoobsurat Koi
Jism Jaise Ajanta Ki Murat Koi
Jism Jaise Nigahon Pe Jaado Koi
Jism Naghma Koi, Jism Khushboo Koi
Jism Jaise Machalti Hui Raagni
Jism Jaise Mehakti Hui Chandni
Jism Jaise Ke Khilta Hua ik Chaman
Jism Jaisay Ke Sooraj Ki Pehli Kiran
Jism Tarsha Hua Dil-kash-O-Dil-nasheen
Sandali Sandali, Marmari Marmari
Aafreen Aafreen, Aafreen Aafreen
Aafreen Aafreen, Aafreen Aafreen
Husn-e-Jana Ki Tareef Mumkin Nahi
Aafreen Aafreen, Aafreen Aafreen
Aafreen Aafreen, Aafreen Aafreen
Chehra ik Phool Ki Tarah Shadab Hai
Chehra Uska Hai Ya Koi Mehtaab Hai
Chehra Jaise Ghazal, Chehra Jaan-e-Ghazal
Chehra Jaise Kali, Chehra Jaise Kanwal
Chehra Jaise Tasavvur ki Tasveer Bhi
Chehra Ek Khwaab Bhi, Chehra Taabeer Bhi
Chehra Koi Alif Laila Ki Dastaan
Chehra Ek Pal Yaqeen, Chehra Ek Pal Gumaan
Chehra Jaisa Ki Chehra Kaheen Bhi Naheen
Mah-roo Mah-roo, Meh-jabeen Meh-jabeen
Aafreen Aafreen, Aafreen Aafreen
Husn E Jana Ki Tareef Mumkin Nahi
Aafreen Aafreen, Aafreen Aafreen
Aankhein Daikhi To Mein Dekhta Reh Gaya
Jaam Do Aur Dono Hi Do Aatisha
Aankhein Ya Maikade Ke woh Do Baab Hein
Aankhein Inko Kahoon Ya Kahoon Khwaab Hein
Aankhein Neechi Huwi To Haya Bun Gayi
Aankhein Unchi Huwi To Dua Bun Gayi
Aankhein Uth Ker Jhuki To Ada Bun Gayi
Aankhein Jhuk Ker Uthi To Qaza Bun Gayi
Aankhein Jin Mein Qaid Aasman O Zameen
Nargisi Nargisi, Surmayi Surmayi
Aafreen Aafreen, Aafreen Aafreen
Aafreen Aafreen, Aafreen Aafreen
Aafreen Aafreen, Aafreen Aafreen
Zulf-e-Jaana Ki Bhi Lambi Hai Daastan
Zulf Ki Mere Dil Per Hein Parchaiyaan
Zulf Jaise Ke Umdi Hui Ho Ghata
Zulf Jaise Ke Ho Koi Kaali Balaa
Zulf Uljhay To Duniya Pareshaan Ho
Zulf Suljhay To Yeh Zeest Aasan Ho
Zulf Bikhray Siyarah Raat Chhaane Lagay
Zulf Lehraye To Raat Jaane Lagay
Zulf Zanjeer Hai Phir Bhi Kitni Haseen
Reshmi Reshmi, Ambri Ambri
Aafreen Aafreen, Aafreen Aafreen
Husn-e-Jana Ki Tareef Mumkin Nahi
Aafreen Aafreen, Aafreen Aafreen
|
